Heilsutækniklasinn stendur fyrir mánaðarlegum fundum fyrir aðildarfélaga sína og aðra áhugasama gesti. Hver fundur er tileinkaður tilteknu málefni sem snertir heilsu- og líftæknigeirann á einn eða annan hátt. Ráðgjafaráð Heilsutækniklasans velur málefni hvers fundar og hefur yfirumsjón með dagskrá hvers starfsárs. 

Heilsutækniklasinn er tengipunktur aðildarfélaga sinna við aðra klasa og alþjóðasamstarf á sviði heilsu- og líftækni, með sérstaka áherslu á Norðurlöndin. Við miðlum og tökum beinan þátt í áhugaverðum alþjóðlegum viðburðum, svo sem ráðstefnum, málþingum, sýningum og samkeppnum er tengjast heilsu- og líftækni.

Heilsutækniklasinn er heimili Lausnarmóts í heilsutækni, verkefnamiðaðs samstarfsvettvangs þroskaðra stofnanna og fyrirtækja við frumkvöðla, sprota og nýsköpunarfyrirtæki með það að markmiði að búa til notendamiðaðar heilbrigðislausnir með hugsun, ferlum og aðferðum nýsköpunar.